Terrace in seaside (AIRSIDE)

營業中

休息中

呢日同朋友去左airside呢間韓式cafe食dinner，餐廳環境好好。我地點左啖啖蟹肉千層麵，千層麵中間夾住蟹肉同芝士，啖啖都係蟹肉，勁足料，面頭再有啲蟹皇醬，勁惹味，但又唔會好膩既感覺，食哂食碟都唔會滯。另外仲點左極度惹味泡菜八爪魚紫菜包飯，每一個飯卷入面都有大大舊既彈牙八爪魚，再加埋啲泡菜，層次豐富。甜品點左值得一提芬芳提子窩夫，呢個窩夫靚到好似件蛋糕咁，窩夫上面鋪滿左兩款顏色既提子、士多啤梨同青提子啫喱，窩夫鬆軟得黎又有牛油香，超好味。呢度既飲食一定要試，又靚又特別又好飲，今次點左190%泡泡朱古力同埋帶點黧喜的香印提子奶蓋綠茶，超高質。