皇府 (已結業)

今日同同事去開新產力促進局上堂， 完咗都差唔多lunch time,就行過隔嚟又一城搵嘢食, 食完先再返公司搏殺過...同事話想食燒味, 又一城選擇又唔係太多, 好似只有皇府及太興， 我哋想坐得舒服啲， 所以最後揀咗皇府。入到去打開個menu，價錢屬中檔水平， 我同事就點咗荷包蛋半肥瘦叉燒飯， 上枱時已經覺得啲叉燒好靚， 我忍唔住 偷咗同事兩嚿叉燒食， 的而且確係食神叉燒飯， 好耐都冇食過咁好食嘅叉燒我自己就叫咗個燒鵝瀨粉走蔥， 上抬時燒鵝的數量 望上去好似比較多， 但係食落原來塊皮大過舊肉好多， 我怕肥，所以唔食燒鵝皮，所以覺得有啲浪費， 上湯瀨粉好好食， 整體食物水準及服務 都係中上， 下次有機會過開附近上堂，會考慮再嚟試下佢個 炸醬撈麵， 因為見到隔離枱 食到舐舐脷