韓屋

營業中

休息中

眾所周知尖沙咀金巴利道係韓國人聚集嘅地方，今日就走上呢條韓國街，隨意進入呢間韓屋。點菜後店員就奉上泡菜蘿蔔，少少辣味，蘿蔔亦爽口。朋友話最愛韓國菜嘅人蔘雞湯，所以我哋就點咗呢個蔘雞湯。湯內真材實料，有好多條人蔘，仲有紅棗等滋補配料。人蔘雞湯滿滿嘅一整碗，啖啖充滿人蔘味道。雞入面釀滿糯米、紅棗、板栗、松子仁等材料，將所有食材味道渾然一體。最特別嘅係佢嘅雞因為長時間熬製，所以佢嘅骨頭已經融化都可以咬斷，真係好味到連骨都吞埋！其實食韓國菜我就更喜歡食石頭鍋飯，醬炒牛肉石鍋芝士拌飯材料非常豐富，有大量唔同嘅蔬菜同埋紫菜，而醬炒牛肉都幾惹味。 撈起上嚟仲有拉絲芝士，令整個拌飯更加多一點點嘅鹹香。另外我哋仲加咗個比較傳統嘅韓式煎餃子。餃子入面有大量粉絲，另外仲有少少肉碎，味道清清地都唔錯。