大記攦粉糕點專門店

營業中

休息中

【蘿蔔糕】被蔡瀾喻為「香港最好食的蘿蔔糕」，諗住叫一件試下。 點知原來佢話一件唔煎，三件先會煎。我問，咁唔煎係凍嘅？佢話係。 但問題係三件食唔晒架嘛，所以我答佢，好啦，咁要一件唔煎啦。 佢跟住同我講，凍嘅唔好食架喎，你要兩件啦，兩件都同你煎啦。 咁就兩件啦 ， 咁件蘿蔔糕又真係好食嘅，下次黎都會再點 。【邊頭肉攦粉】之前見過有人推介邊頭肉，所以就點呢個啦。而咩叫攦粉呢？其實就係瀨粉嘅原稱！用米漿做出黎的攦粉米味十足，口感幼滑。湯底用豬骨熬成，豬骨湯底都加有蔬菜，更加清甜。邊頭肉即係「面豬登肉」，口感軟腍，肉味濃。 一大碗攦粉先 $38，好抵食 ， 絕對會再 encore 。下午茶時段仲有飲品跟。超值。