駟馬拖車潮州飯店 (東九匯)

營業中

休息中

話說有次揸車去觀塘海濱經過見到有新開嘅潮州餐廳，又見好耐無食潮州菜，於是就擇日嚟試吓。上到2樓嘅餐廳，餐廳個裝修感覺比起平時食開嘅潮州餐館高級好多，但入到去睇個餐牌竟然大眾化價錢，所以唔覺唔覺就點咗5個菜+一個湯。餸菜款式包括：- 蠔仔烙- 椒鹽鮮魷- 沙茶炒牛肉- 普寧炸豆腐- 潮州蠔仔粥- 蟲草花鳳爪螺頭湯普寧炸豆腐是潮汕特色菜，食嘅時候沾上蒜蓉鹽水，外酥內嫩好香脆。椒鹽鮮魷比時都有食，但好多時都係口感比較硬，但呢度嘅椒鹽鮮魷炸到好鬆軟，炸蒜蓉配埋鮮魷好野味。蠔仔烙呢度有煎&炸兩個選擇，我哋就揀咗炸嘅煮法，仲好細心上枱前已經好似Pizza咁切好哂。蠔仔份量好多，煙煙韌韌好好味。沙茶炒牛肉呢個餸已經好多年無食過，以往食到都係爸爸親自下廚先可以食，呢度嘅味道真係令到有爸爸煮嘅味道一樣，沙茶醬濃郁而底下嘅芥蘭爽甜。潮州蠔仔粥係叫咗一碗而唔係一鍋，但蠔仔嘅份量多到似為自己食緊一鍋嘅感覺，每一羹都有蠔仔，除咗蠔仔外，仲有魷魚、方魚&肉醉，配料都好豐富。蟲草花鳳爪螺頭湯一飲就覺得好濃嘅螺頭味，螺頭都好淋，真係好想再飲多個，但個肚都已經無哂位了。