baby Mon cher (已搬遷) 新店位置

其實因為本人用開嘅一個飲食平台close咗，咁我就唯有喺Open Rice繼續啦 ^^！呢間可愛Cake Shop我食過好多次 (因為住銅鑼灣，Sogo實在係我成日落腳嘅地方)，但一直都未有好好讚過。今次因為朋友生日，見到可愛嘅事Hello Kitty餅，好想睇吓我朋友切Hello Kitty個樣有幾變態 (>~<)，又想試吓佢哋嘅新款式 - Chocolate Cheese Cake，於是又忍唔住買咗！Hello Kitty餅比我想像中好味得多，因為大多呢啲咁嘅餅都係「得個樣」，但呢件就有啲唔同，睇得又食得。除咗係外面嘅Cream之外，佢裏面係海綿蛋糕，唔太甜，好軟，同外面嘅啫喱Cream好match，大家真係可以一試！而另外嗰兩件嘅Chocolate Cheese Cake就啱晒我！因為我好鍾意Cheese Cake，更加鍾意朱古力。佢哋兩個溝埋合體，係有少少over (飽)，但真係好正好creamy ^^ 而家再去都買唔到喇 =.=其實佢哋嘅主打蛋卷 (突然唔記得叫咩添)，好好味，第一次係朋友介紹，話係關西特產，之後就成日買，所有味我都試過晒，真係唔知點推介你哋。