黑蒜 (太古廣場) (已結業)

去到金鐘要快食飯見客，於是嗱嗱臨喺OpenRice search下有乜嘢好食，又可以快食！結果搵到呢間叫黑蒜嘅餐廳，個名幾特別！嘢食係中式，都有好多款選擇！不過佢只有外賣，冇堂食呢！😃款式都幾多，有蒜泥白肉、牛肋條、蒸魚等等，我同同事就叫左牛肋條同蒸魚share食，兩款都好唔錯！牛肋條好入味又好林，蒸魚一啲都唔腥，而且兩款都有好幾塊，好夠食！每個飯仲會跟兩粒大魚旦同菜心，上面仲會鋪左啲類似木魚嘅東西，好特別！😆個飯仲會跟個例湯或者豆漿，當然可以加錢換其他嘢飲啦！但難得有湯揀，點都揀個湯啦😏飲得出無味精，又夠火喉！呢間餐廳不錯呢👍🏻