糙米家 (已結業)

糙米家除左出名糙米之外，其實仲好健康嘅沙律同蕃茄湯米線。我今日試咗出晒名嘅蓮藕蝦餅飯，未食我要先稱讚佢嘅上菜速度，比起上次我叫嘅米線，佢好快就嚟到，所以中午時間咁多上班一族嚟食。蓮藕新鮮炸起，夾著蝦餅，脆得嚟又有蝦餅嘅彈口，我個人食得濃味，點埋佢嘅甜酸醬啱啱好可以送飯。我反而最欣賞係佢放埋我最愛嘅蔥油喺上面，同埋炒得一啲都唔「老」嘅伴菜，結果，我一個女仔清曬整碟飯，我諗好多年冇試過。當然若價錢再平宜啲啲就更好，因為好味嘅餐廳我會經常幫襯。