德國餐廳 (博文街) (已結業)

為咗慶祝朋友生日 四個人一齊去食德國菜🍖🍻德國鹹豬手配酸菜薯仔沙律🤤🤤個咸豬手肉質嫩滑 外皮非常香脆 食落味道唔會過鹹 有肉汁得嚟亦唔會太過油膩 店員亦預先幫我哋切碎隻豬手 方便食客食用 啖啖肉真係好過癮!德國香腸拼盤😍有白肉腸同少少辣嘅烤腸 咬落多汁到差啲流出口 點上茄汁令味道更豐富 份量睇落唔算超多但都好飽肚下香蔥芝士薄餅😋兩塊軟軟地嘅薄餅之間夾住熱熔芝士餡 食落暖暖地充滿芝士香 好過癮 推介!香草醬煙肉三文魚意粉😮意粉食落口感層次豐富 除左三文魚外亦有菇 細番茄等等配料 餐廳環境乾淨 裝修亦充滿異國風情 如果環境寬敞啲會更好 整體黎講都好令人滿意!