群心茶餐廳 (已搬遷) 新店位置

哈哈! 過完20121221呢日，世界未有「末日」，仍然繼續運作，人當然要繼續開飯啦！星期六下午，通常都會將個lunch推到下午茶時間食，今日都係一樣。心思思又想去食群心既下午茶餐，好掛往個炸魚柳呀！我每次都必食既下午茶！正！由於係即叫即炸既關係，每次都要等約10分鐘，不過我覺得係絕對值得既！相比起連鎖快餐店既炸魚柳，呢Ｄ先叫見得人嘛！材料好，夠大塊（相比連鎖快餐店既炸魚柳2倍)，金黃色，外面好脆，裡面又好滑，口感非常好！再加上係即炸既，熱辣辣！頂呱呱！而且，茶餐廳非常細心，預先將支沙律醬同茄汁放入雪櫃，人客order左個餐，就成支放响度比個客任落，好大方！熱辣辣既魚柳同薯條配凍冰冰既沙律醬同茄汁，超正！除左炸魚柳，今次都試埋炸豬扒，都係好大件，抵食！豬扒又係即炸既，炸到金黃色，熱辣辣，但完全唔乾，仲好juice! 食呢D經典茶餐廳既下午茶，當然唔少得杯熱奶茶啦！都係好得！今時今日，仲有咁平，廿二蚊既茶餐，又咁大件，咁好味，真係好抵！真係要多多支持！如果唔係，以後只有連鎖快餐店「唔見得人」既炸魚柳啦！