湄南.河泰式船麵 (已結業)

今日同朋友出荃灣行街，突然好想食泰國菜，我地誤打誤撞入左去千色匯既湄南河，估唔到幾有驚喜。餐牌選擇都幾多，開頭抱住一試無妨既心態，點知又幾好食，食物有heart, 會再來幫襯。凍同熱既泰式奶茶：唔會太甜，亦都無溝水，非常好飲！主食方面試左海南雞大船面，湯底好濃郁，但又唔會太咸。面底份量適中，男仔食都夠。海南雞好滑嫩，雞皮唔會太油膩，色香味俱全。另外仲點左青咖喱豬頸肉飯，青咖哩好惹味，唔會太辣，濃濃的椰香味，十分推介喜歡吃咖哩的朋友！沙嗲牛肉雞肉串燒做小食一流，火喉剛好，不會太乾爭爭！