木船 (已結業)

近排天氣熱辣辣，好想食返D酸辣野開開個胃！😂太和地鐵站行幾步路就係條食街，見到呢間泰國野就入去試下！入面裝修都幾靚幾舒服！有種泰國feel~~又食飯又食甜品先！前菜沙律🥗酸酸甜甜勁開胃，尤其鍾意佢有提子同果仁，增加好多口感同層次！🍍菠蘿炒飯🥳一拎到上來已經大到嚇死人，份量大到驚食唔曬🤣🤣有兩隻大隻炸蝦，炸到好脆口，沾滿旁邊既甜酸醬好惹味！炒飯面有一串六舊既燒菠蘿，剛剛燒好熱辣辣，又甜又多汁。至於炒飯就略嫌唔夠乾身，肉粒同菠蘿粒都唔算多，但夠大舊有口感，飯有少少痴埋一舊舊，但味道都唔錯！🍴小食拼盤同朋友每款一舊剛剛好！蝦餅煙韌真材實料，其他不過不失。最鍾意就係脆皮春卷，好脆好脆，咬落咔嚓一聲，入面餡料夠味😋食到咁上下緊係要食下水果！西瓜🍉沙冰少少失望佢融左好多唔夠凍，同埋西瓜都唔算太甜！但勝在份量大用原隻西瓜，所以好解渴芒果乳酪冰🍧正啊！！！份量好大，入面仲有爆谷，雪米磁，芒果粒同埋一大埋忌廉😋鍾意食甜野既女仔就岩曬啦！！！成件事酸酸甜甜，估唔到爆谷同淋上面既芒果醬又幾夾☺️