影片
更多
2023-07-02
55 瀏覽
今日晏晝去黃埔睇戲，lunch同老公係度食埋先，去咗間日式居酒屋食，見到係佢有刺身同鐵板燒，加上做緊優惠，個火舞の12品極尚和牛龍蝦套餐 由$688減到$288一位，真係好吸引，入去試吓先。老公話咁抵，主動點多客南非鮑魚一齊share。先上前菜，有2樣，螢光魷魚沖漬同魚子醬豆腐配胡麻醬。螢光魷魚沖漬醃得入味，幾肥美新鮮，食落好爽脆，咸鮮。魚子醬豆腐配胡麻醬香濃胡麻醬配嫩滑豆腐，上面加埋少少鮮味魚子醬，幾好味。上刺身盛（五點）刺身有5款，三文魚、深海池魚、帶子、油甘魚同金目鯛，每款2件，刺身新鮮，鮮味。香煎澳洲龍蝦尾主角鐵板燒開始，我哋坐吧枱，望住師傅係鐵板炒，已經聞到香氣撲鼻，個龍蝦尾好大隻，爽口唔韌，調味十分之惹味，加埋啲蔥花同埋炸蒜，更加香口，我同老公每人都食到大約4件。日本大分縣A4和牛西冷厚燒師傅燒厚厚既和牛西冷，師傅將牛扒嘅四面都煎到焦香，落完黑椒調味再燒，d味好香，切開左8小件，每粒中間都係粉紅色，完美五成熟，油香豐富，入口溶化，經理話佢地用大分縣嘅和牛係西冷，有別出面大部份餐廳的牛小排，的確係非常好味。南非鮑魚新鮮大隻，上面加左d魚子，鮮上加鮮，加上鮑魚肉厚，切開一片片，
先上前菜，有2樣，螢光魷魚沖漬同魚子醬豆腐配胡麻醬。
螢光魷魚沖漬
醃得入味，幾肥美新鮮，食落好爽脆，咸鮮。
魚子醬豆腐配胡麻醬
香濃胡麻醬配嫩滑豆腐，上面加埋少少鮮味魚子醬，幾好味。
上刺身盛（五點）
刺身有5款，三文魚、深海池魚、帶子、油甘魚同金目鯛，每款2件，刺身新鮮，鮮味。
香煎澳洲龍蝦尾
主角鐵板燒開始，我哋坐吧枱，望住師傅係鐵板炒，已經聞到香氣撲鼻，個龍蝦尾好大隻，爽口唔韌，調味十分之惹味，加埋啲蔥花同埋炸蒜，更加香口，我同老公每人都食到大約4件。
日本大分縣A4和牛西冷厚燒
師傅燒厚厚既和牛西冷，師傅將牛扒嘅四面都煎到焦香，落完黑椒調味再燒，d味好香，切開左8小件，每粒中間都係粉紅色，完美五成熟，油香豐富，入口溶化，經理話佢地用大分縣嘅和牛係西冷，有別出面大部份餐廳的牛小排，的確係非常好味。
南非鮑魚
新鮮大隻，上面加左d魚子，鮮上加鮮，加上鮑魚肉厚，切開一片片，食落去有咬口又爽腍。啖啖肉。
日式風味雞肉炒飯
呢個雞肉炒飯唔會好濃味，食到啲青紅椒香味，雞肉唔嚡，如果個炒飯炒得再乾爽啲少少就Perfect。
新鮮鯛魚湯
同炒飯一齊上既，個湯好重魚味，十分之鮮甜，而且夠哂熱，食完鐵板燒，可以清一清口腔嘅油膩。
是日日式甜品
黑糖厥餅口感Q Q，微甜，不錯。
總括而言，我哋都覺得好味又扺食，經理話個優惠暫時會係7月1號至到7月15號。睇吓有冇機會帶朋友嚟再食多次。
張貼
