麻辣Doi (已結業)

好耐冇食過烤魚見呢間舖頭新開張就同女朋友一齊去試吓啦舖面簡單 座位坐得舒服 好鬆動有烤魚、水煮同埋香鍋我哋就揀咗烤魚 再搭多兩個配菜 分別係肥牛同埋肥腸烤魚當中有唔同嘅湯底選擇，包括成都麻辣、老檀酸菜同埋泡椒豆腐，我哋就揀咗成都麻辣。餐廳將原條鱸魚炸熟，再放上烤盤，魚肉好鮮嫩彈牙。另外，鱸魚嘅骨唔多，啖啖肉好滿足。食烤魚，配料當然唔少得。本身跟鍋上嘅配料都有唔少 例如雲耳 蓮藕 冬菇同埋豆卜等等但係我哋都忍唔住加咗肥牛同埋肥腸每一樣都索晒啲辣汁好香口 好好味絕對唔使驚食唔飽因為仲有大大個薯粉超彈牙 越煮越好味😋兩個人食絕對係會食唔晒