豆乳狂人 (已搬遷) 新店位置

差唔多次行城門河都會嚟買下甜品食。由新開到而家質素都冇乜點。🔸豆豆仙草 $42呢款甜度最低，甜味主要來自紅豆。仙草同豆腐花好滑溜，芋頭番薯圓好Q彈。🔸多芒西米 $42芒果份量超多，不過入秋後唔係當造，所以有啲會比較酸。西米大大粒幾有咬口。🔸桃膠芋泥小丸子 $42芋泥綿密細滑，凍食特別好味。仲有滋潤嘅桃膠，啱晒秋冬食。🔸抹茶紅豆小丸子 $42抹茶香醇唔苦澀，同紅豆超級夾。🔸酥炸雞軟骨 $30炸得好香脆，而且鹽酥粉灑得好平均，味道唔會太鹹。