十二味 (赫德道)

營業中

休息中

今晚約左個喜歡食川菜的朋友去左尖沙嘴新開的十二味食晚飯。餐廳雖然枱同枱之間密質質，但坐落其實都幾舒服，同時餐廳用網上餐牌落單，都幾方便。餐牌選擇唔算多，我同朋友都選擇左幾款比較傳統的川菜。小食係燒椒皮蛋，而主食係酸辣土豆絲同酸辣魚配粉條。個人認為全部菜式都唔算好辣（我地分別有叫中辣同大辣，不過分別不大），反而著重係味道上的香同濃。我自己最欣賞個酸菜魚，個湯底係可以當湯咁飲，又唔會太油膩。甜品我地點左糍粑，係即製的，所以食落好香，又好煙韌，個皮又夠脆，個人認為係必食。