影片
更多
2012-07-05
758 瀏覽
想一家人訂張枱、舒舒服服食餐生日飯，但係唔想食生冷野、老人家又唔好西餐、我地鍾意食的京滬菜最近又食過幾次...諗到R爆頭，點知老公無意中見到呢間D Openrice食評都幾好，於是就訂左黎呢度晚飯了！順德菜其實我極少食，而鳳城正正就係好出名的順德菜館！套餐價錢其實一D都唔平，可能因為唔係包乳豬就係包魚翅，呢D菜式始終比較貴！老公同埋佢細佬生日，老爺奶奶請食飯，當然唔想老人家太破費，所以我地都係決定散叫！最先送黎係我一直都好想試的大良炒鮮奶。睇樣有D似賽磅蟹，但睇真D就分得出蛋白同奶的質感有所不同。炒鮮奶唔似賽磅蟹咁滑，可能係奶類遇熱本身會有D微粒產生。不過佢反而冇賽磅蟹咁油膩，而且加左金華火腿同埋欖仁，食落非常香口～鮮奶比較黏身，有一種齒頰留香的感覺！生菜包同我地之前食過的有D唔同，第一係D生菜都剪好哂做圓形，包起上黎好方便。第二係佢有配D醬汁，吊起D餡料的確係更加好食。生菜包的餡料主要係松子同肉末，老公唔係咁好松子，覺得一般，我就反而幾鍾意！蝦多士係呢度的招牌菜，老公亦係被佢吸引所以話要黎鳳城食飯！見D人成日話好快賣哂，我地8點鐘一坐低，未人齊就落定order先了！送到上枱，熱辣辣又
順德菜其實我極少食，而鳳城正正就係好出名的順德菜館！套餐價錢其實一D都唔平，可能因為唔係包乳豬就係包魚翅，呢D菜式始終比較貴！老公同埋佢細佬生日，老爺奶奶請食飯，當然唔想老人家太破費，所以我地都係決定散叫！
最先送黎係我一直都好想試的大良炒鮮奶。睇樣有D似賽磅蟹，但睇真D就分得出蛋白同奶的質感有所不同。炒鮮奶唔似賽磅蟹咁滑，可能係奶類遇熱本身會有D微粒產生。不過佢反而冇賽磅蟹咁油膩，而且加左金華火腿同埋欖仁，食落非常香口～鮮奶比較黏身，有一種齒頰留香的感覺！
生菜包同我地之前食過的有D唔同，第一係D生菜都剪好哂做圓形，包起上黎好方便。第二係佢有配D醬汁，吊起D餡料的確係更加好食。
生菜包的餡料主要係松子同肉末，老公唔係咁好松子，覺得一般，我就反而幾鍾意！
蝦多士係呢度的招牌菜，老公亦係被佢吸引所以話要黎鳳城食飯！見D人成日話好快賣哂，我地8點鐘一坐低，未人齊就落定order先了！送到上枱，熱辣辣又香脆，真係正喎！D蝦大隻又夠脆口，下層多士外脆內軟，口感一流！而且一碟有成10隻咁多，真係抵食～唔怪之得係鳳城名物啦！
桂花炒魚肚其實唔係好有桂花味，不過清清淡淡得黎口感好豐富，鍾意清淡的朋友一定會鍾意呢道菜～
我同老公都好鍾意食雞，當然唔少得叫返隻炸子雞啦！不過價錢唔平，我地只叫左半隻都要$120！好在食落D皮又真係夠哂脆，而且隻雞相當大隻，所以都夠我地六個人食～如果budget多D，叫哂一隻黎食，一定會更滋味呀～
焗西米布甸又係呢度的名物，而且要早一日預訂，好在我打電話去時都仲有。我地只係訂左個細的($68)，但其實上枱發現都唔細，6個人每人都一大碗囉！
初頭我有D擔心會好甜，不過食落OK，唔算好甜，可以接受，熱辣辣的布甸散發住陣陣蓮蓉香味，其他地方未食過呢道甜品，我覺得都幾特別呢！
最後仲拎左個Cake1Cake柚子蛋糕出來，同老公兩兄弟慶祝生日！呢度唔駛收切餅費，非常好！有D食評話呢度服務麻麻，但當晚可能食客較少啦，侍應態度唔錯，會主動斟茶、收碟，上菜又唔駛等好耐。有D比較貴的招牌菜我地都仲未試，不過今次食物質素相當高，感覺幾好，我會有興趣再黎食呢！
題外話/補充資料：
呢度仲有好出名的大蟹鉗同埋八寶鴨都要預早一日預訂，希望第時有機會同朋友黎再試！
(以上食評乃用戶個人意見 , 並不代表OpenRice之觀點。)
張貼
