菓屋 (已結業)

曾經很喜歡飲黑糖珍珠鮮奶, 每星期最少幫襯李圓圓一次, 但自從大概一年前飲過我是酸奶君的芒芒果海之後, 我就移情別戀了, 佢令我唸返起我以前經常幫襯的澳洲飲品店BOOST, 令我又再次愛上用生果制成既奶類飲品, 尤其乳酪, 但係香港真係好難搵到一間飲品店有賣水果乳酪, 我宜家瘋狂到去超市見到盒裝既水果乳酪都會買黎飲, 明知味道差好遠都照買。 今日黎到葵芳, 揀菓屋係因為見佢有水果奶(雖然唔係乳酪)供應同OPENRICE評價不錯。我叫左芒果奶+奶蓋 - 奶蓋味道濃郁無奶騷味, 食到芒果肉感覺足料, 酸酸甜甜新鮮好味, 個人覺得可以再酸多少少, 令芒果味道更特出又可以中和奶蓋既甜膩感令層次更鮮明。菓屋彌補左我前兩日係令一間店買左杯芝士奶蓋西瓜汁既傷心經歷, 唔夠西瓜賣可以話賣曬, 客人係會飲得出你地溝左好多水架!