振興肉丸

營業中

休息中

前幾日涼咗，即刻想打邊爐！今次去咗振興肉丸買嘢，選擇好多！估唔到連素食豬肉嘅肉丸都有今次買咗幾款丸同埋炸魚皮！有骨炸魚皮真係好少地方有得賣，咬落口感更加香脆！不過一包就唔係好多～ 另外仲買咗貢丸、菠菜魚蛋同埋川辣牛丸。貢丸打邊爐都好味，肉丸結實又爽口，食落唔會一大舊粉咁嘅感覺；而且佢都幾夠味，唔點醬料食都好味！魚蛋同牛攞咗嚟煮餸。川辣牛丸真係幾辣，幾惹味的，咬開真係睇到一粒粒辣椒！菠菜魚蛋口感幾彈牙，無乜菜味，食落都係似普通魚蛋不過感覺健康啲，主要買俾小朋友食 呢度肉丸款式真係好多，打邊爐或者煮餸都會喺度搵到適合嘅材料