動漫樂園及主題餐廳 (已易手) 新餐廳

今日往comic park & café食香橙油醋汁咸牛肉田園沙律, 沙律跟餐附送餐湯和汽水。香橙油醋汁咸牛肉田園沙律份量十足,橙好鮮甜, 咸牛肉大大塊, 好腍, 黑醋汁配上沙律菜和車厘茄, 整份酸酸味道好開胃, 好味道。餐湯是粟米湯, 好濃香粟米味, 湯夠熱和足料, 份量十足, 好美味；最後汽水是紙杯裝, 略嫌不夠氣, 只有糖水味的汽水, 如果改枝裝或罐裝會好些。餐廳座位舒適,食物質素不俗, 好適合一家大小聚會的地方。