段純貞牛肉麵 (如心廣場一期)

營業中

休息中

非常好味的雞湯麵，新鮮雞好滑，湯又好飲，濃郁雞嘅精華，唔油膩，好清晰，加幾粒葱花，一條青菜，加埋佢嘅酸菜，已經好香，成碗麵好好食，我鍾意配幼麵，粗麵我就唔太啱啦，碗麵同相片都係一樣，係有雞髀嘅，雞皮好黃，唔知係咪三黃雞呢，唔係喎台灣佢哋係放山雞，呢排成日落雨，所以又心思思去食，食完呢碗雞湯麵個人都暖笠笠。有時見佢人多等位，都唔想排隊，但隔耐咗無食又掛住佢，好想飲嗰啖湯，好想食佢隻雞髀，所以就會避開某啲繁忙時間去食。