滿江紅小甜甜 (已結業)

呢間小甜甜我食過好多次，每次都辣得好過癮，間唔中就會好想食佢哋嘅麻辣魚春煲，因為實在太好味，而且一啲都唔腥。味道好之餘價錢經濟又實惠🔝本生比較怕魚腥味，但呢個煲一啲都唔腥，仲好惹味，實在太好食！底下仲有好多薯仔、白蘿蔔同青瓜，索晒啲汁勁入味，送白飯一流，一定要試。🔝有雞腎同雞肝，泡椒酸酸辣辣好開胃，令人食指大動。🔝雲吞皮太厚，食落感覺似反炸，可以唔洗試。🔝原盅燉湯，味道還可以。🔝高力係用蛋白發起再包豆沙蓉然後再炸。蛋味濃郁，但略嫌炸得唔夠，外層太濕做唔到外脆內軟，影響口感。