十三少 (已結業)

之前去過黃埔嘅十三少， 今日行開樂富見到佢有分店就入嚟試一試， 樂富商場有唔同區， 佢喺b區大家記得唔好行錯啦。前菜嗌咗我哋最鍾意食嘅尖椒皮蛋，香辣得嚟又好開胃。 黎十三少梗係試佢嘅酸菜魚， 有唔同辣度揀我哋揀咗小辣。 主角魚肉鮮甜，入口仲有少少彈牙， 畀嘅配菜亦都十分多有酸菜芽菜， 個湯送飯一流。今次試左地新推出嘅籠仔蒸飯， 我哋揀咗蟹肉， 蟹肉嘅份量唔算多但都帶有蟹膏， 同時亦都有好香嘅蒜蓉味。 分量兩個人食絕對夠飽， 啲飯給曬汁好好味。