尚青商號 (已搬遷) 新店位置

尼間餐廳擺響個list度已經好耐，今日終於有機會一試。平時行過都睇到勁多人排隊，今日喺星期日，時間又早，果然可以不用等位，即刻入座。尼度喺用QR code 落單嘅，餐牌上嘅選擇都算頗多。一個人，就嗌咗個麻辣半筯半肉麵，一個滷水豆干同埋一杯檸檬柚子氣泡凍飲。麻辣牛肉麵嘅湯底濃郁，清甜，幼麵嘅份量啱啱好。牛肉有兩塊，肉炆得腍，好入味，至於啲牛筋我就嫌佢散咗啲，但入口既溶，味道甚好。個餐仲跟三小碟配菜，分別係甜酸菜，雲耳同油炸鬼。我覺得甜酸菜嘅味道好好，食落令人開胃。嗰鹵水豆干有驚喜。鹵水有少少甜味，同香港嘅鹵水有頗大分別。雖然話係豆干，但係其實唔係太乾身，豆腐切成方形，朔晒鹵水汁，食落充滿鹵水，口感好，俾人一種滿足的感覺。等待食物期間上嚟的食客越嚟越多。尼度食飯限一小時，好在嚟得早，唔係嘅話又要望門興嘆了。