影片
更多
2006-06-19
25 瀏覽
尋日父親節, 我同我老公帶我爸爸專程揸車入去深井KCAL 意大利餐廳食DINNER(我朋友推介), 但真係好唔掂!1)環境差可能因為父親節特別人多, 餐廳安排左我地坐露天雅座o既最開個位, , 其實都無所謂, 但係最唔好就係佢地唔會話有什麼屏障分隔開等位o既地方, 我地一路食, 等位o既人(有成十幾人)就企正張檯隔離, 又近路邊行人路, 青山公路車來車往, 比我感覺有如在路邊開餐, 好唔自在! 2)食物差我點左美國頂級牛柳配天使麵, 我要五成熟, 但就整左九成, o趙到口都軟埋,! 天使麵就求其白烚連汁都欠缺, 放係o舊石頭牛柳隔離, 原本好肚餓o既我都無晒食慾!老公點左鹿肉扒配墨魚汁麵, 要七成熟, 但係就離譜到煮全熟, 連据開舊扒都有困難, 點擺入口?平時我公已經叫做唔奄尖, 咩都唔會話唔好食, 但係佢今次都頂唔順!結果叫左個可能係Manager o既人話比佢聽D野好難o趙吞唔到落口, 佢地就比我地揀過第二樣主菜, 我地揀左三文魚扒(諗住魚都唔會硬得去邊), 但係原來真係連魚扒都可以煮到鞋烚烚, 簡直失望! 不過餐湯就好味。我爸爸就無咩特別comment, 只是話d味道好淡,
1)環境差
可能因為父親節特別人多, 餐廳安排左我地坐露天雅座o既最開個位, , 其實都無所謂, 但係最唔好就係佢地唔會話有什麼屏障分隔開等位o既地方, 我地一路食, 等位o既人(有成十幾人)就企正張檯隔離, 又近路邊行人路, 青山公路車來車往, 比我感覺有如在路邊開餐, 好唔自在!
2)食物差
我點左美國頂級牛柳配天使麵, 我要五成熟, 但就整左九成, o趙到口都軟埋,! 天使麵就求其白烚連汁都欠缺, 放係o舊石頭牛柳隔離, 原本好肚餓o既我都無晒食慾!
老公點左鹿肉扒配墨魚汁麵, 要七成熟, 但係就離譜到煮全熟, 連据開舊扒都有困難, 點擺入口?平時我公已經叫做唔奄尖, 咩都唔會話唔好食, 但係佢今次都頂唔順!
結果叫左個可能係Manager o既人話比佢聽D野好難o趙吞唔到落口, 佢地就比我地揀過第二樣主菜, 我地揀左三文魚扒(諗住魚都唔會硬得去邊), 但係原來真係連魚扒都可以煮到鞋烚烚, 簡直失望! 不過餐湯就好味。
我爸爸就無咩特別comment, 只是話d味道好淡, 但見佢都食淨半碟! 好慶幸我爸爸無叫扒, 如果唔係佢一把年紀, 點o趙呢D石頭扒!?
3)員工水準參差
a) 連牛扒要幾成熟都唔記得問, b)上錯食物, c)最基本埋單時問有無得碌咭都要諗至識回答, 不過佢地都好有禮貌!
總結以上, 我係唔會再去呢間餐廳食野! 真係好差! 雖然唔係貴, 但以o甘o既價錢亦大有把選擇!
張貼