熊小館 (已結業)

今次第二次過嚟啦，好多熊仔，好得意，記得以前去韓國嘅時候都有熊仔博物館，而家有呢個小熊餐廳，雖然冇得去韓國旅行，但係都有一種懷念嘅味道，而且好鍾意呢度嘅餐廳職員，服務態度真係一流。黑椒牛扒意粉$67大大塊黑椒牛扒，仲有黑椒汁加意粉意粉軟硬適中，所以好抵食。意大利卡邦尼煙肉長通粉$54有煙肉同蘑菇配上卡邦尼醬汁，分量亦唔少，醬汁味好濃厚creammy。 午餐加$3有嘢飲，如果加$16可以加特飲，好靚嘅熊仔飲品。自家製心太軟$42心太軟即叫即焗，外皮鬆脆裏面留心朱古力，配上水蜜桃生果及忌廉，好正好鬆軟，而且朱古力味勁濃，呢個推介必食。整體而言唔錯，午餐定食及下午茶餐都好抵食，而且選擇款式多，仲有好多影相打卡位。