點點心 (已結業)

因為朋友係灣仔返學，約左係灣仔食午餐，逛逛下見到呢間點心鋪，望入去見到多人，應該唔會太差掛，於是衝入去。原來有2層，上左上層，樓底比較矮，見到啲鬼佬都要彎低身出入。2個人叫左7碟食物，漏左入通菜落張單，埋單唔洗200蚊，朋友仲奇怪係咪計錯數，因為食到肚都爆，樣樣都好味，肉餅夠大塊，腸粉唔厚皮，最特別係燉雪梨，試食價15蚊，見到每枱都點，當然唔執輸啦. 原個雪梨，上面有陳皮絲，鹹鹹地又少少酸少少甜，呢個乾燥天氣岩飲，整體不錯，值得再去。