御泰坊-泰越菜 (裝修中)

約左朋友仔，其實觀塘都幾多選擇，但最後我地決定左去食泰國野。三十幾度，諗諗下都係唔好周街揀啦！所以就決定上apm啦。因為未下午茶時段所以唔洗等位。都幾多野食唔係靜係得泰國野同越南野，仲有D應該算係中式野。我地得2個人但我好多野都想食，我朋友不停提住我，我地2個人炸。唔好叫咁多野咁2個人叫3樣野，差唔多啦。因為朋友唔鐘意食青木瓜，所以就叫左呢個烤牛肉沙律，但如果唔食西芹o既朋友仔就唔好叫，因為呢個沙律主要材料係：西芹，蓄茄，有小小紅椒同紅蔥頭，當然仲有主角烤牛肉。個sauce酸酸地好好食。我想叫咖哩o個d，因為有汁好送飯嗎。點知朋友死要叫呢個！好啦好啦，叫啦叫啦。咩都冇就係得2隻蝦囉！就係一人可以分到一隻。冬陰功味就係唔係好覺得猜其實。個燒魷魚都幾OK o既。都幾淋，但係o個個橙色o既汁，好奇怪，完全唔知佢係咩味。青檬流打冇咩味，香芒樂園就幾好味，仲有D芒果肉係入面。