燒洒一族 (啟田商場) (已結業)

-🔸酒醉雞卷 $38🔸香草法式燒春雞 $65/隻🔸香甜蜜味烤雞髀 $38/2隻🔸惹味香辣烤雞髀 $38/2隻🔸慢煮醬烤豬肋骨（大） $58-放假懶得煮飯，一於去斬料做餸！依間燒洒一族朋友介紹，話有幾間分店，除咗普通燒味之外仲有酒醉系列，咁多選擇就可以一次過買定幾餐食嘅餸𠻹！酒醉雞卷非常入味，稍微雪凍少少，再淋上另外附送嘅醉雞汁，夏日必食啊！燒春雞性價比高，皮薄多肉，用香草燒得有少少燶邊好香口。有兩款口味嘅烤雞髀一於試晒佢，用嚟第二日做餸，焗返熱煮個麵就食得超方便，雞髀大大隻切件，份量都好多啊，色澤均勻，返熱味道都好味～最後試埋豬肋骨，都幾多肉可以食，唔會得棚骨，醬烤比較似美式混合港式叉燒嘅風味。