辣酒燒

營業中

休息中

今日要分享在大角咀辣酒燒的晚餐體驗，只見門口招牌推銷胡椒豬骨湯燒肉卷粉，覺得幾特別就試試，無特別留意原來食店有多款辣菜式小食。店舖唔算大擺放幾張木枱，播放流行歌曲令人舒壓，用QR code落單好方便，我們選擇了晚餐的菜單如下，招牌胡椒豬骨湯燒肉卷粉、牛柳粒石鍋飯、勁辣雞翼尖、燒墨魚丸、日式燒菠蘿，再加兩罐可樂。招牌胡椒豬骨湯燒肉卷粉只係38蚊咁抵一定要試，湯底係好濃的胡椒豬骨湯味，湯嘅辣味原全來自胡椒，好香中辣味濃，搭配自家制燒肉加卷粉，燒肉好味卷粉好滑又Q彈, 真心推介招牌菜。牛柳粒石鍋飯同樣是有辣椒少辣的加上洋蔥及醬汁好惹味，店員上石鍋飯時貼心特別提醒小心好熱，真係好熱食到尾仲熱辣辣，仲有香脆飯焦，正。勁辣雞翼尖真係好辣，一路食一路流汗，辣得好過癮。燒墨魚丸我們點小辣，小小辣的墨魚丸食落感覺是原全由墨魚肉製成，爽口彈牙足料好食。日式燒菠蘿配日式燒汁燒製，味道香甜多汁解辣，食完幾味辣菜再食燒菠蘿巧妙地中和了辣感，再加兩支樽裝可樂，真的又可口又可樂。整體而言，大角咀辣酒燒的菜式多樣豐富，足以滿足愛辣及不同口味的食客。享受美食的同時，也感受到了廚師的用心烹調和料理的技藝。這次用餐中度過了