影片
更多
2010-11-22
13 瀏覽
有次經大角咀行去奧海城，途中見到呢間建立於舊區的美式門面餐廳，門口海報見到一個漢堡包的東西入面夾住超厚肉，眼都突埋，所以入去試試。坐低一陣，叫左珍寶漢堡 + 墨西哥雞夾餅 +凍檸茶。等多一陣，伙記托緊個包過黎...............震憾到全場靜左兩秒，因為個包真係有人頭咁大，少女們應該可以4個人食，我一個大食人都食唔晒。個包其實係一個小set，跟埋手指公咁粗既薯條同沙律菜幾條。包餡好有外國風味，不過距離真正外國用料仲差少少，但味道巳經好貼近。頂包外脆內軟，底包仲更脆同更軟!!!係時候講下入面件牛肉，我當初真係唔明點解叫個漢堡包都要問我幾多成熟，停左幾秒之後我答左佢7成，出黎既效果係，個包有幾大直徑，塊肉就有幾大直徑，而且厚度有1寸，舊肉入口真係會即溶!!! 出去任何高級餐廳叫個扒餐都唔會有咁既質素，而且，呢個包係平高出面任何扒餐。個包整體上，食到唔同層，就有唔同既味道，每一層之間的味道都好夾。墨西哥夾餅有得揀雜菜餅定雞肉餅，我揀左雞。來到見到跟兩砵醬。先食餅唔用醬，味道巳經好出色，餅皮令我覺得似印度餅，又係外脆內軟而彈牙。加埋茄醬食，真係用真茄肉加辣辣地，近似95%墨西哥風味，去
有次經大角咀行去奧海城，途中見到呢間建立於舊區的美式門面餐廳，門口海報見到一個漢堡包的東西入面夾住超厚肉，眼都突埋，所以入去試試。
坐低一陣，叫左珍寶漢堡 + 墨西哥雞夾餅 +凍檸茶。
等多一陣，伙記托緊個包過黎...............震憾到全場靜左兩秒，因為個包真係有人頭咁大，少女們應該可以4個人食，我一個大食人都食唔晒。個包其實係一個小set，跟埋手指公咁粗既薯條同沙律菜幾條。
包餡好有外國風味，不過距離真正外國用料仲差少少，但味道巳經好貼近。
頂包外脆內軟，底包仲更脆同更軟!!!
係時候講下入面件牛肉，我當初真係唔明點解叫個漢堡包都要問我幾多成熟，停左幾秒之後我答左佢7成，出黎既效果係，個包有幾大直徑，塊肉就有幾大直徑，而且厚度有1寸，舊肉入口真係會即溶!!! 出去任何高級餐廳叫個扒餐都唔會有咁既質素，而且，呢個包係平高出面任何扒餐。
個包整體上，食到唔同層，就有唔同既味道，每一層之間的味道都好夾。
墨西哥夾餅有得揀雜菜餅定雞肉餅，我揀左雞。來到見到跟兩砵醬。先食餅唔用醬，味道巳經好出色，餅皮令我覺得似印度餅，又係外脆內軟而彈牙。加埋茄醬食，真係用真茄肉加辣辣地，近似95%墨西哥風味，去過墨西哥享受過當地美食的話，包保閣下的靈魂會被噢醒飛左去墨西哥，真係好味到失魂，肉體上會好味到會心微笑左出黎，旁人會見到你傻笑(傻笑果個係我)。另外有一砵沙律溝忌廉既醬，味道溫柔D，好滑，但都巳經好味到飛起左。
我係散叫凍檸茶，先會俾個渣杯你，如果餐飲的只係普通餐廳的瘦杯。
後記：
個包同薯條食唔晒，叫佢俾個飯盒我打包，點知反而係佢拎左去幫我打埋包，服務唔錯，抵讚!!! 好似係後生細粒果位哥哥仔
反而旁人食緊果D午市套餐，都好似普通左少少。
小心食完個靈魂留低左仲未返到肉身，回味無窮!!!! 嚴重推介此餐廳
楂車朋友，出面條馬路仔我見好多人泊車。
張貼
