味火鍋 (華僑商業中心)

比佢無限時吸引，見到食評唔錯就打去訂枱，第一次去咩都唔識，侍應妹妹都好詳細介紹餐牌內容，我哋4個人分別叫咗龍蝦，焗蠔同埋酸菜魚做頭盤，3款都好食。湯底選擇都算多，有成10款可以揀，我哋就揀咗蟲草花椰子雞湯，上枱時已經聞到陣陣好香嘅椰子味，仲有成大碟雞比埋我哋添。海鮮新鮮，牛肉都好夠牛味。食完呢啲都好飽啦，跟手食下啲蔬菜，水餃，最後飽到連送嘅雪糕都食唔落。整體食物好食， 頭盤可以自由配搭，服務又好，地方乾淨闊落， 加埋一都係$300幾蚊，有呢個質素，喺旺角區真係好抵食。