瑞士餐廳

營業中

休息中

今晚同屋企人慶祝生日，未食過瑞士餐，第一次食，印象非常好~可以再食過嘅餐廳。前菜叫左:肉腸芝士沙津，猄肉片芝士。前者個芝士超好食，唔係好濃，但有芝士味，唔會搶左其他配茶同肉腸味。後者，未食過，有驚喜，好好食，肉片上面有啲酸茹，一齊食變左第二個味，直得一試。主菜: 牛肉配薯餅(唔記得個菜名)，個牛係半煎炸，好林，個薯餅煎得好香脆，入口唔會油另外叫左炸豬扒配意粉，個豬扒我覺得有啲硬，炸得好脆。必叫嘅芝士火鍋，今次叫左養夫芝士火鍋，好重酒味，個芝士鍋好濃，重味，唔係難食，但本人麻麻地，因為越食個嘛就越重，所以唔食得多。甜品叫左罌花子批配雲呢拿雪糕加忌廉，好好食!!!好清，唔甜，可以再食!瑞士麥啤好易入口，唔算貴整睇黎講，直得一試p.s.芝士火鍋分左有酒同冇酒，唔食得酒可以揀冇酒嘅芝士火鍋。