一盛極牛 (已結業)

我好鍾意食日本拉麵，一直都只係鍾意食，從來沒有研究，鍾意食係一件事，研究又係另一件事。對我嚟講就算用你用最上乘嘅材料都好，唔好食就係唔好食，好食就係好食， 一切就係咁簡單。今日夜晚原本就去食羊腩煲，不過我同我姑姐行行下，見到呢一間 一盛極牛 就改變咗心意，就入去諗住食個麵。呢一間係專門賣牛肉嘅地方，餐牌上唔係好多古靈精怪嘢，就只係賣兩種麵同一種丼，簡單就是美。 我就叫咗碗 極牛拉麵。我揀咗火炙和牛，又乜嘢配料都有一啲，麵底就要超硬。 碗麵的size正正常常，唔算特別大碗又唔算特別細碗， 因為呢度個麵湯好特別，唔係用豬骨又唔係用雞骨嘅，而係用牛骨煲嘅， 飲一啖 就覺得味道又香又正，牛湯的味道好香。牛肉嘅味道好好味，好有牛肉濃郁味，溫泉蛋 煮到啱啱好，味道好正。我覺得呢一碗麵，係一碗好好食嘅麵。