Chotto Maki (利源西街) (已結業)

喺中環搵到間好精緻嘅壽司小店，裏面大部份嘅都係創意壽司，而且啲用了好特別，好有fusion嘅味道。Lobster roll$98當日其中一個special，有龍蝦沙律，蟹棒，牛油果，火炙三文魚，上面仲加咗啲魚子醬同埋蔥花，首先一客有8件，而且每一件嘅份量都好多，創意壽司來講非常抵食，最重要佢每個配料同其他都好夾，唔係求其將所有材料搭埋一齊，用牛油果去帶出龍蝦沙律同埋蟹棒嘅鮮味，上面嘅火炙三文魚令到成個魚油味更加香，同時加番啲葱去咁低火炙三文魚油膩嘅感覺。Oshizushi四件$48做法同箱壓壽司有啲似，都係正正方方咁，係當日另外一個special，同樣有火炙三文魚，牛油果，蟹子，同埋加咗啲芝士美乃滋同辣椒美乃滋，個壽司做到一層一層咁樣，好似漢堡包，上面有一塊辣椒，都幾辣下，我唔係好食得辣所以就拎走左佢，配返佢個有少少辣椒味道嘅汁，個辣度就啱啱好啦。Black magma$72上面有啲切碎左嘅帆立貝，拖羅蓉，仲有啲蟹子同埋啲天婦羅碎碎，食起上嚟有幾種唔同嘅口感，帆立貝同埋拖羅蓉都好新鮮，切碎左令到成個味道更加配合，唔會好分明咁。加$10仲可以配多個麵豉湯。