肥哥車仔麵

營業中

休息中

今次係第2次食肥哥車仔麵了! 因為其辣椒味道辣得過癮外~味道仲唔差!!兩次食既時間都係早餐黎!九時正到達肥哥門口~坐底拎紙劃車仔麵!羅白,豬皮,豬紅同牛腩呢4樣車仔麵常見的食物!記得上次食中辣辣到我飲左兩罐綠力先頂到...唔知係咪早上關係...食辣野好似唔多掂呢次唯有揀小辣吧! 約5分鐘左右~ 碗麵送到擺底!該待應就會收埋錢先!4餸1麵28蚊,計埋綠力飲品合共35蚊!碗麵睇落去小辣好似好少辣椒!其實呢D辣椒係肥哥自製...少少已經辣得好過癮!湯都係肥哥煲出黎~有睇雜誌都知係冇味精可言!羅白咬口夠稔,豬皮軟熟,豬紅入味,唔會一夾即散反而牛腩就一般,牛腩汁未夠令牛腩入味!河粉係我最愛細細條既河粉,食落都會加返多少少分!綠力罐裝汽水就差少少,因為雪櫃唔夠凍~不過可以不理~食完之後諗住走人...發現隻手有少少污濁...原因係張店太多塵...兩次黎 兩次都係咁....店員係咪連基本抹台既責任都唔需要呢?除左張台污濁外,坐位仲比較少,晏就學生放lunch肯定爆棚!!如果呢餐剩係講食物質素我會比95分!其他環境因素計埋可能得80分!!到走既時候..辣椒既威力係終於發作...係身體內發熱且不停打圈..