韓峰料理 (已結業)

有幾日黎大角咀做嘢，夜晚同老公喺附近搵嘢食，無意中搵到呢間韓式料理，膽粗粗入去試咗，結果係出乎意料咁好味！尤其係炆牛肋骨，炆得好林好入味，蘿蔔亦好好食，實在令人回味！大醬海鮮豆腐湯亦都好好味，好多海鮮同豆腐，豆腐好滑，攞嚟送飯實在唔錯！👍🏻👍🏻辣炒羊肉好惹味，不過對我地來講就有啲辣得滯，整體來講成餐飯都好滿足！老公仲嫌唔夠飯要再添😆兩個人食都係$200，實在係好抵食！我覺得仲好食過我喺韓國食嘅餐廳😎下次會再嚟！