影片
更多
2023-07-17
34 瀏覽
星期五返放工，同同事諗住去chill下，所以我地試吓呢間餐廳！有得飲酒之餘，仲可以試吓佢嘅日本串燒同壽司刺身，加埋各種口味豐富嘅Cocktail，真係啱哂我哋放鬆下Chill下！香港好多人都知道龍虎豹喇！不過，你信唔信竟然變成一間餐廳！佢喺Soho區嘅一間餐廳，門面霓虹燈好靚好吸睛！入面牆壁都好有特色，好符合餐廳嘅主題。亦都係吸引我哋過嚟嘅其中一個原因！好啱返工想鬆一鬆嘅人就啱哂嚟呢度！入到餐廳嘅感覺就好似去咗唐人街嘅中餐廳，有最傳統嘅雞蛋紅燈籠，仲有古式茶具同埋龍嘅掛飾。餐具全部都係特製設計，超級有心機！牆上面仲收集咗好多龍虎豹嘅經典😎😎你明啦！「Dragon Balls」價錢係68蚊，真心好味！佢用咗粟米粒同埋明太子粉漿，再炸成個金黃酥脆嘅餅。食落微微辣，一口接一口（完全停唔到口，好上癮），再配上醬汁可以中和油膩感，超適合送酒！「Yellowtail Carpaccio」價錢係158蚊，呢個係薄切油甘魚加埋墨西哥青椒、柚子醋、芫荽同芝麻。油甘魚油份好香，再加上餐廳特色嘅酸辣調味，真係好開胃！「Dragon roll」價錢係188蚊，賣相都好好！唔似平時見到嘅卷物，呢個圍住一圈，上面
香港好多人都知道龍虎豹喇！不過，你信唔信竟然變成一間餐廳！佢喺Soho區嘅一間餐廳，門面霓虹燈好靚好吸睛！入面牆壁都好有特色，好符合餐廳嘅主題。亦都係吸引我哋過嚟嘅其中一個原因！
好啱返工想鬆一鬆嘅人就啱哂嚟呢度！入到餐廳嘅感覺就好似去咗唐人街嘅中餐廳，有最傳統嘅雞蛋紅燈籠，仲有古式茶具同埋龍嘅掛飾。餐具全部都係特製設計，超級有心機！牆上面仲收集咗好多龍虎豹嘅經典😎😎你明啦！
「Dragon Balls」
價錢係68蚊，真心好味！佢用咗粟米粒同埋明太子粉漿，再炸成個金黃酥脆嘅餅。食落微微辣，一口接一口（完全停唔到口，好上癮），再配上醬汁可以中和油膩感，超適合送酒！
「Yellowtail Carpaccio」價錢係158蚊，呢個係薄切油甘魚加埋墨西哥青椒、柚子醋、芫荽同芝麻。油甘魚油份好香，再加上餐廳特色嘅酸辣調味，真係好開胃！
「Dragon roll」價錢係188蚊，賣相都好好！唔似平時見到嘅卷物，呢個圍住一圈，上面撒滿魚子同埋吞拿魚，份量好足！吞拿魚新鮮，配埋牛油果，帶少少辣味，層次豐富，好滿足～
「FRIED CHICKEN」$128好好味！皮脆肉嫩，炸得乾身唔油膩，香噴噴！沾上啲類似蛋黃醬嘅醬汁，更加滋味！個人覺得呢個絕對可以encore無限次！
「雞肉串」價錢係58蚊，每次去居酒屋都會叫啲雞肉串黎食。份量好足，肉質濃郁，點完生雞蛋，咬落去好滿足飽肚。
因為要開車，所以呢次我哋冇叫到酒精飲品，叫咗波子汽水同埋蜜桃水果汁
波子汽水係一種清爽嘅飲品，口感有少少氣泡，帶有甜甜嘅香氣同埋微微嘅果味，喝落去有種輕盈嘅感覺，係一杯解渴又愉快嘅選擇。
而蜜桃水果汁就更加滋味啦！佢嘅味道非常濃郁，有濃厚嘅蜜桃香氣，喝落去彷彿嚐到新鮮成熟嘅蜜桃果肉，帶有少少甜味同埋微微嘅酸爽感，配炸雞真係啱晒！
張貼
