逸翠軒

營業中

休息中

家人介紹我在這間茶樓買外賣，我未幫襯過，今天帶住小朋友來買午市外賣，11:20落單（一個臘腸滑雞飯），個女經理態度非常不友善，冇乜禮貌。等左10分鐘，小朋友開始叫肚餓，我搵另一個侍應問，佢睇一睇我張單，話要等多10分鐘我話吓仲要等10分鐘？佢話係呀你張單20分落丫嘛，要等20分鐘架。真係痴孖筋，未見過d咁嘅食肆，若然一定要等20分鐘的話就應該在餐牌上列明啦！落單時個經理都冇提及要等20分鐘。最後在好少客人的情況下等了22分鐘。返到屋企打開飯盒，賣相很不吸引食左兩啖，味道正常但唔夠熱，唔係果種即叫即整新鮮滾熱辣嘅感覺，所以我都唔明點解要等咁耐我忍唔住放入微波爐叮返熱來食..然後亦明白點解淨係配汽水，因為可以降火（一肚火）這是唯一貼心的地方。等外賣時我心想：這間食肆只適合在這種人跡稀少地方生存，如果在市中心，一早俾d大叔小到上天花板，仲可以大條道理要客人等20分鐘咩。