影片
更多
2019-02-15
163 瀏覽
自從和老公成為了二人小家庭之後， 過時過節做 除了會吃大家族的團年飯之外， 我們倆小口子也喜歡自家來個團年小聚， 這時候通常我們會找間火鍋店大吃一餐， 過一個豐盛又滿足的晚上！ 今年我們選擇了來四季文昌這裏， 一來我們真的很喜歡吃這裏的椰子雞煲， 上次吃過已經覺得回味無窮！ 尤其是上次沒有吃這個手切肥牛讓我們一直心思思幾掛住， 今晚點都要食番夠本！ 湯底當然要有我們最掛住的椰子雞啦！ 知道這裏還加入了新元素一於來個雙拼 ！椰子文昌雞鍋(半隻)拼玫瑰花牛奶椰子鍋聽落真的好吸引！ 玫瑰花牛奶椰子鍋聽起來令人有種想浸浴的感覺添呀(≧∇≦)我將隻雞一半一半放， 椰子雞煲嗰邊嘅雞嫩滑入口非常甜， 貫徹其一直那清甜可人的味道！至於在玫瑰花牛奶椰子煲裏面嘅雞肉， 真係有好香好香嘅玫瑰花味， 浸過牛奶嘅雞特別嫩滑可口， 奶感十足！連放落去只係灼十秒嘅牛肉都有唔同嘅質感，更帶玫瑰花香，認真堅料！ 新年前夕， 店家還準備了數款開胃賀年小吃， 別具心思！ 米通炸得香脆， 黑芝麻花生薑糖亦十分別緻！ 火鍋配料方面，我選擇了響徹雲霄(紫菜響鈴)， 這款響鈴嘅特別之處就是中間還包著一塊紫菜， 第二度好難食到咁特別
今年我們選擇了來四季文昌這裏， 一來我們真的很喜歡吃這裏的椰子雞煲， 上次吃過已經覺得回味無窮！
尤其是上次沒有吃這個手切肥牛讓我們一直心思思幾掛住， 今晚點都要食番夠本！
湯底當然要有我們最掛住的椰子雞啦！ 知道這裏還加入了新元素一於來個雙拼 ！椰子文昌雞鍋(半隻)拼玫瑰花牛奶椰子鍋聽落真的好吸引！ 玫瑰花牛奶椰子鍋聽起來令人有種想浸浴的感覺添呀(≧∇≦)
我將隻雞一半一半放， 椰子雞煲嗰邊嘅雞嫩滑入口非常甜， 貫徹其一直那清甜可人的味道！
至於在玫瑰花牛奶椰子煲裏面嘅雞肉， 真係有好香好香嘅玫瑰花味， 浸過牛奶嘅雞特別嫩滑可口， 奶感十足！
連放落去只係灼十秒嘅牛肉都有唔同嘅質感，更帶玫瑰花香，認真堅料！
新年前夕， 店家還準備了數款開胃賀年小吃， 別具心思！ 米通炸得香脆， 黑芝麻花生薑糖亦十分別緻！
火鍋配料方面，我選擇了響徹雲霄(紫菜響鈴)， 這款響鈴嘅特別之處就是中間還包著一塊紫菜， 第二度好難食到咁特別的響鈴架！
打邊爐想食得健康啲不妨叫埋日本直送野菜籃！ 野菜籃裏面有特大冬菇、 超甜粟米、 金菇、 生菜和唐蒿菜。 大魚大肉之前食啲蔬菜纖維打打底， 之後就可以安心大吃特吃啦！
平常不太會點餐前菜的我們，見到有海膽阿拉斯加蟹沙律， 又係沙律又有海膽中有而家時令嘅阿拉斯加長腳蟹， 所以我哋都忍唔住叫來食！
估唔到沙律會有咁大碟完全四人份量！ 海膽亦都有半版咁多！ 粒粒甘香鮮甜好好味呀！ 然後在青瓜沙律當中會發現一條又一條的蟹肉絲， 配搭三文魚粒一齊食特別滋味！
最令人萬眾期待嘅當然係我們掛住好耐嘅本地手切牛肉(大)啦！
見到那鮮豔欲滴嘅粉紅色澤， 以及均勻有致的雪花條紋， 彷彿是櫻花片片散落風中的美麗情景一樣，超級迷人呢！
那雪花，那肉質，那種在咀內油花和肉香交織的快感， 真係會令人沉迷到一個點！ 尤其那嫩滑的口感彷如吹彈得破的少女肌膚，有着無窮的生命力那種嬌嫩，令人不期然沉醉了！
吸收了所有湯和肉的精華的冬菇和粟米真係格外好味呀！
話明係團年冬至飯， 點少得一啲好意頭菜名嘅嘢食呢 ！推介這款鮑羅萬有煲仔飯！ 唔單止個名好聽而且仲超足料！ 有齊鮑魚青口蠔豉和大蝦嘅飯， 食完之後，今年仲唔係包羅萬有好事齊來全年都笑哈哈(≧∇≦)
個煲仔飯煮得好香好有鑊氣， 加埋咁多款海鮮想唔鮮甜都幾難喇！
飯粒軟硬適中，夾雜著一啲飯焦， 連平時唔多吃飯嘅我都忍唔住食咗兩大碗呀！好味！
打邊爐又點可以唔整翻杯冰涼凍飲坐陣呢，大紅（ 紅莓梳打）和 大紫（黑加侖子梳打）就啱曬我心意啦！cheers！
張貼
