Sup 1 (已結業)

某個星期四嘅晚飯時間，我單獨路經呢一間餐廳，見未食過所以試吓。坐低嗌咗個main同杯紅酒，味道其實都還可以，但係個main個portion太細份，所以食完之後都係加多一串燒雞串同埋一份明太子雞翼。個職員都已經好盡責，問我趕唔趕時間，提我燒嘢要耐少少。但係成個鐘後我飲多一杯紅酒都淨係出到份雞翼，而串雞串重未燒好。我埋咗單俾曬錢最後都係等唔到就走咗。可能佢當時多客，但係成個鐘都出唔到串燒雞串就真係好垃圾。