一寿司 (已結業)

喺學校食canteen食到悶，星期五就同莊員去左東港城既一壽司食晚飯。我地兩個見到個二人set dinner百幾蚊又包咁多野食，所以就叫左個黎食。個set dinner真係好抵食，包括左刺身沙律、肥牛熱鍋、特色卷身、壽司、炒飯同麵鼓湯。肥牛熱鍋真係好抵讚，湯底有濃濃既牛肉味，肥牛肉質好好。特色卷物（加州卷同天婦羅卷）就別具創意，特別係天婦羅卷外面圍住一層芝士，配合住卷內既天婦羅同上面既一堆蟹籽，味道真係恰到好處。刺身沙律食落去好爽口，三文魚、生菜同新鮮蕃茄既配搭真心好正！