野川拉麵 (已結業)

今日年廿八去咗辦年貨！搞到差唔多三點先食lunch～行過「大坑渠」附近睇吓有咩嘢食👀就見到呢家小店...其實平時經過已經發現到佢，但初時以為係酒吧，所以冇入去...但今日見到入面d人食麵，先知自己搞錯😂😂原來係居酒屋好啦，2016年嘅2月，終於有機會食佢啦！嘩～～～原來都幾多嘢食架喎！我哋叫咗兩個野川稻庭烏冬一個豬骨湯底🐖🍵一個番茄湯底🍅🍵裏面有大蝦，2隻大帶子，1隻溫泉蛋，2條蟹棒，2片豬肉哈哈，侍應拎過嚟嘅時候嚇咗一跳因為超大碗！佢唔係外表上嘅大碗！佢實際上都堅係大碗～又好足料！所以呢個真係surprise我唔知佢d海鮮係味新鮮啦！但d帶子同蝦都好大隻，又爽口，我覺得都唔錯！而個稻庭烏冬又係正嘅，好陣牙，又吸到湯底d味！不錯不錯！ps: 蕃茄湯底質地較「結」，豬骨湯底質地適中！同埋呢個海鮮稻庭烏冬先賣緊$98，出面肯定過得百！哈哈，就黎新年緊係要對自己好點👻今日為食鬼上身 除左叫左碗烏冬之外，我哋仲嗌咗個一口芝士🧀，燒冬菇🍢，炸雞粒🐔同埋日本綠茶可樂🍵🍾！呢個一口芝士🧀 啱啱嚟到嘅時候係超熱超辣口！外皮超脆，裏面d芝士溫暖，芝士味足夠！ 你個雞粒🐔即叫即炸 份量適中 超可口 超脆