影片
更多
2021-01-09
490 瀏覽
見到有網站介紹依間餐廳午市$128加一120分鐘任食火鍋，仲有刺身同泰式生蝦送，又可以任食炸物串燒甜品，覺得好抵，就嚟咗試下。環境好乾淨、舒服。一坐店員都好主動介紹餐牌。今次叫咗蕃茄湯+甜豉油湯鴛鴦鍋，唔洗加錢。蕃茄湯滿佈蕃茄粒，好香濃。甜豉油湯正常，唔會過甜。店員都好快手就上咗泰式生蝦同刺身。幾個店員都不斷行埋嚟提我地快啲食咗泰式生蝦先。蝦正常，但略嫌個汁無乜味。至於刺身，成隻船咁送上嚟有啲嚇親，都有六款刺身，最好食係希靈魚，非常鮮甜，平時我都唔食希靈魚，因為覺得好腥，但今次真心幾唔錯，一啲腥都無。之後店員上咗一碟火鍋嘅海鮮拼盤、一碟豬、一碟雞同兩碟牛。依幾樣野都係一般，但依個價錢都可以接受。出面可以自己夾丸類同蔬菜，都有好多款可以選擇，有啲款式都幾少見。特別想講佢個自助區有沙律菜、日式螺肉、中華沙律依啲常見前菜之外，仲有芝士、風乾火腿、青口依啲酒店自助餐先有嘅食物，真心好驚喜。青口肥美唔腥，忍唔住食左六七隻。至於串燒，五花肉串非常多軟骨，好難咬。金菇牛肉串、雞軟骨都偏淡但可接受。牛舌太薄，燒到好硬好乾。我地燒雞皮寫左1，以為係一串，無諗過上菜真係得一塊仔好細嘅雞皮，仲要無竹簽拮住，
環境好乾淨、舒服。一坐店員都好主動介紹餐牌。今次叫咗蕃茄湯+甜豉油湯鴛鴦鍋，唔洗加錢。蕃茄湯滿佈蕃茄粒，好香濃。甜豉油湯正常，唔會過甜。店員都好快手就上咗泰式生蝦同刺身。幾個店員都不斷行埋嚟提我地快啲食咗泰式生蝦先。蝦正常，但略嫌個汁無乜味。至於刺身，成隻船咁送上嚟有啲嚇親，都有六款刺身，最好食係希靈魚，非常鮮甜，平時我都唔食希靈魚，因為覺得好腥，但今次真心幾唔錯，一啲腥都無。
之後店員上咗一碟火鍋嘅海鮮拼盤、一碟豬、一碟雞同兩碟牛。依幾樣野都係一般，但依個價錢都可以接受。出面可以自己夾丸類同蔬菜，都有好多款可以選擇，有啲款式都幾少見。特別想講佢個自助區有沙律菜、日式螺肉、中華沙律依啲常見前菜之外，仲有芝士、風乾火腿、青口依啲酒店自助餐先有嘅食物，真心好驚喜。青口肥美唔腥，忍唔住食左六七隻。
至於串燒，五花肉串非常多軟骨，好難咬。金菇牛肉串、雞軟骨都偏淡但可接受。牛舌太薄，燒到好硬好乾。我地燒雞皮寫左1，以為係一串，無諗過上菜真係得一塊仔好細嘅雞皮，仲要無竹簽拮住，有啲奇怪。串燒唔太推薦。而炸物只試咗炸蝦同炸多春魚，店員提醒我地可以配佢地個黑松露醬，但我覺得個醬唔太香黑松露味。炸蝦係吉列，蝦太細，肉質唔彈牙。而炸多春魚係推薦嘅，都幾大條，又唔會腥。
甜品櫃有多款水果同小蛋糕。只試咗其中四款蛋糕，不過味道同口感都幾麻麻。但雪糕就幾好食，有雲呢拿同綠茶味，綠茶雪糕好香濃好好味。
而店員收碟速度十分快，亦會時不時主動過嚟問有無野需要幫忙。夠鐘又唔會催人走。真心好耐無食過放題啲店員服務態度咁好！
整體嚟講，食物質素未必係好出眾，但價錢平，食物款式多，以及店員主動、勤快、有禮貌嘅服務態度，已經令人覺得依餐午餐非常滿足。
p.s.記得book位
刺身拼盤
4 瀏覽
0 讚好
0 留言
蕃茄+甜豉油鍋
5 瀏覽
0 讚好
0 留言
張貼
