La Barra Tapas Spanish Restaurant

營業中

休息中

一間位於長沙灣嘅餐廳，我都係咁啱經過入去試吓，點知其實幾高質。嗰陣入到去，叫咗幾樣嘢之後佢先至話有最低消費，呢一度係幾扣分嘅。但係食完之後發覺幾樣嘢都好好食，所以條氣順返啲。今次品嚐嘅係一份慢煮牛肉，呢道菜無論從外觀到味道都讓人驚艷。首先，牛肉嘅外觀睇落係好黑感覺上會好乾，但係實質食落去又唔係喎，反而真係好好食。肉質係軟腍表面有輕微嘅焦脆感。每一口切落去，刀子都可以輕鬆滑過，肉質極為柔軟。味道方面，啱啱好唔會話太重味。可以食返本身牛嘅味。定係好好食嘅就係呢個西班牙海鮮飯，擠咗啲蝦膏落去撈埋飯一齊食已經超好食。呢一間係有好少可我會推薦朋友去食嘅餐廳。真心大家可以去試吓。