巨一麵堂 (已結業)

經過見到入去試下 內外都好日本feel 日本人事頭婆用唔咸唔淡廣東話招呼 好有親切感 温柔同有禮貌到真係有啲唔好意思店仔細細都有幾多款式揀㗎 依個套餐其實都好吸引 但當時太餓 見到個細字就無叫到 但後來見到隔離枱叫 原來一啲都唔細 足夠食飽 全店都係用雞湯底 估計會比較淡口 所以我同老公都叫左個面豉湯底拉面 個湯真係非常之唔錯 但係個面質就唔係我地兩個鍾意食嘅彈牙拉面 係比較硬身實淨嗰種拉面雖然面質未如理想 但個湯底我鍾意 所以都會再去幫襯 試下個細面+細飯套餐