Orange Elephant Thai Restaurant (啟德道)

營業中

休息中

今日想食泰國野，諗起之前揸車去九龍城有間幾好食，而且有$1優惠，就去翻呢間。今日係星期一所以$1優惠係泰式明爐烏頭魚，無食咁耐依然好足料，未食已經聞到好香，魚質唔算好嫩滑但勝在味道出色，食落清甜又帶一點酸既味道，配菜有菇、酸菜、肉碎等都好入味，真係令人停唔到口。如果嫌唔夠味仲有泰式辣醬同隔離個湯比你調配自己口味。之係上辣椒膏炒蜆，賣相唔算好吸引，但啲蜆大大隻幾新鮮，重點係個汁整得超好食！唔算辣但好有泰式風味，可以撈飯食一流！呢個汁包你食完仲想再食。最後上泰式蝦球炒金邊粉，唔知幾時開始鍾意食，但都唔係間間可以整得好食，以後可以黎呢度食了，啲蝦望落已經覺得新鮮，食落爽口，個粉唔會太濕，有啲芽菜令到口感唔錯，味道岩岩好唔算好濃，好岩我口味。每次黎都會叫椰汁冰，而朋友就叫咗椰汁珍多冰，會感覺到無溝水，椰汁味好正，珍多冰個杯就會有啲椰果絲等配料比你過下癮，不過我個人就喜歡就咁飲椰汁冰多啲。總括嚟講，今次比上次更加滿足，今餐所有野都好想再食多次，會有想再黎食既衝動，而且餐廳幾大下，7點幾去就算見到好多人都有位可以即刻入。