影片
更多
2014-09-23
1613 瀏覽
我一坐低就叫咗杯朋友介紹嘅Taro Latte （即係紫薯牛奶熱飲）有好香嘅紫薯味但係又唔會搶晒啲牛奶味，好好飲呀！我叫先跟住我朋友試飲完我個杯之後都叫咗一杯。最難得嘅係餐廳主人非常友善，有認真對待顧客，喺顧客食完之後佢會逐一問佢哋嘅意見。聽佢講杯Taro Latte佢都花咗一段時間去研究同改良，好有心呀。店主熱愛咖啡，如果你都係嘅話不妨試試佢啲咖啡，我估一定好有質素！我同我個朋友兩個人叫咗個dinner set，每人$150 左右，有2個湯，2個飯／意粉，2 沙律同一個waffle，算係好抵，同埋食物嘅質素相當唔錯。我好欣賞佢個daily soup，雖然細細碗，但用料十足，同埋最緊要嘅係：好好味！好期待下次去試第二隻湯。除咗碗湯之外，我最鐘意嘅係個黑松露白汁意大利飯（我唔記得咗個名）超！好！食！啲飯嘅軟硬啱啱好，啲汁嘅份量都岩岩好，個飯唔會太過濕，又唔會太乾，啲汁平均咁痴喺每粒飯上面，又好香黑松露味～～～～其實我最期待係個waffle，但因為太popular，我又係喺last order前半個鐘先去（around 8：00pm到）所以賣晒。但係佢啲職員好好，送咗2件cake俾我哋，仲
我同我個朋友兩個人叫咗個dinner set，每人$150 左右，有2個湯，2個飯／意粉，2 沙律同一個waffle，算係好抵，同埋食物嘅質素相當唔錯。我好欣賞佢個daily soup，雖然細細碗，但用料十足，同埋最緊要嘅係：好好味！好期待下次去試第二隻湯。
除咗碗湯之外，我最鐘意嘅係個黑松露白汁意大利飯（我唔記得咗個名）超！好！食！啲飯嘅軟硬啱啱好，啲汁嘅份量都岩岩好，個飯唔會太過濕，又唔會太乾，啲汁平均咁痴喺每粒飯上面，又好香黑松露味～～～～
其實我最期待係個waffle，但因為太popular，我又係喺last order前半個鐘先去（around 8：00pm到）所以賣晒。但係佢啲職員好好，送咗2件cake俾我哋，仲話下次請返我哋食。所以呢，我一定會keep主幫襯，同埋因為坊間真係好難搵好食，坐啲舒服，服務好，價錢相宜嘅cafe。
另外一提，empress真係超有心！一入門口，你一定唔會miss佢個大書架。原来店主同我一樣鍾意睇書。cafe 啲書除咗放喺度俾客人睇之外，仲鼓勵顧客睇自己啲書嚟交換。我睇睇個書架，啲書幾有質素咖！我已經揀好咗一本書諗住下次去換，希望佢仲係到啦。
最後，書架旁邊有一塊大嘅板，上面有張手繪地圖，貼滿postcard。如果去旅行嘅時候，寄張postcard俾empress可以換一杯free coffee！呢間cafe真係好可愛 ：D
張貼
