魔衣櫥咖啡廳 (已結業)

個日同班好耐冇見既朋友出黎食飯，上網見到呢間餐廳裝修同環境都好特別，仲係我番工個邊附近，所以簡左去呢間餐廳試下。Wesley's Wardorbe 個門口就已經有Harry Potter feel, 一開度門好似去左另一個空間。牆上面有好多西歐肖像畫，再加上有本人好鍾意既波波吊燈做點綴，環境非常好。當晚order 既料理都好大水準，當中最令我回味既料理分別係個香煎吞拿魚伴西米脆片同埋個杏仁忌廉湯同埋。西米脆片好脆口 加上微暖既吞拿魚，咬落有兩層texture, 做appetizer 好清爽 又唔肥膩。杏仁忌廉湯非常有驚喜。杏仁味好出，係我飲過其一中個最難忘既忌廉湯。Wesley's Wardorbe 除左可以dining 外，仲有bar 檯，同朋友黎飲下野傾下計都係一個唔錯既選擇，間餐廳裝修得好有特色，有幾特色位，分別係發光書櫃同發光bar 檯，可以同朋友影埋靚相留念添。