影片
更多
2023-07-02
99 瀏覽
朋友生日話想食生蠔，所以試吓新野透過OpenRice book咗位一入去就已經有位四人枱坐兩個人 坐得舒服叫咗生蠔 牛扒同 焦糖布甸生蠔又新鮮又大隻食落去非常鮮甜美味 值得一試再試食完忍唔住再嗌多咗一盆牛扒叫做五成熟真係煮得好好食切落去又嫩口有牛味唔會話食咗咩肉都唔知不過當日係可惜啲薯條有少少過咗火但係仍然唔錯嗰日為咗慶祝朋友生日仲叫咗個甜品因為喺OpenRice訂位嘅時候有留言話係慶祝生日餐廳都有幫我哋喺焦糖布甸嗰度寫返生日快樂嘅字句仲要加埋全場播生日歌搞到我個朋友又尷尬，不過我好開心外加一段小插曲坐喺旁邊嗰張枱嘅小朋友食食吓飯因為冇嘢做 將玻璃杯拉跌咗喺地下在場職員第一件事係好溫柔咁樣問小朋友有冇事 有冇受傷然後先清潔見到小朋友嚇親嘅反應係清潔完 仲會加多兩聲安慰請佢下次小心就可以十分欣賞服務員嘅態度以客為本 先關心客人嘅服務態度其實真係好多年都冇見過就算係所謂嘅高級中式餐廳 或者西式餐廳都有態度惡劣嘅服務生今次呢件事起碼有三個侍應關心小朋友真係冇得彈唔係話咁叫好服務態度不過好值得欣賞
透過OpenRice book咗位
一入去就已經有位
四人枱坐兩個人 坐得舒服
叫咗生蠔 牛扒同 焦糖布甸
生蠔又新鮮又大隻
食落去非常鮮甜美味 值得一試再試
食完忍唔住再嗌多咗一盆
牛扒叫做五成熟
真係煮得好好食
切落去又嫩口有牛味
唔會話食咗咩肉都唔知
不過當日係可惜啲薯條有少少過咗火
但係仍然唔錯
嗰日為咗慶祝朋友生日
仲叫咗個甜品
因為喺OpenRice訂位嘅時候
有留言話係慶祝生日
餐廳都有幫我哋喺焦糖布甸嗰度
寫返生日快樂嘅字句
仲要加埋全場播生日歌
搞到我個朋友又尷尬，不過我好開心
外加一段小插曲
坐喺旁邊嗰張枱嘅小朋友食食吓飯
因為冇嘢做 將玻璃杯拉跌咗喺地下
在場職員第一件事
係好溫柔咁樣問小朋友有冇事 有冇受傷
然後先清潔
見到小朋友嚇親嘅反應
係清潔完 仲會加多兩聲安慰
請佢下次小心就可以
十分欣賞服務員嘅態度
以客為本
先關心客人嘅服務態度
其實真係好多年都冇見過
就算係所謂嘅高級中式餐廳 或者西式餐廳
都有態度惡劣嘅服務生
今次呢件事起碼有三個侍應關心小朋友
真係冇得彈
唔係話咁叫好服務態度
不過好值得欣賞
張貼
